Aero Transmissions

Mikrokontaktuak diseinatzeko, aztertzeko eta simulatzeko dugun gaitasunari esker, zarata gutxitzeko, sistemen bizi-zikloa luzatzeko eta efizientzia areagotzeko optimizatutako hortzak definitzeko aukera dugu.

Teknologia propio horri esker, etorkizuneko industriaren ardatz eragileekin lerrokatuta dauden proiektu berrietako partner naturalak gara. Abiadura, doitasuna, produktibitatea, efizientzia energetikoa eta ingurumen-efizientzia izango dira etorkizuneko industriaren ardatz eragileak.

Produkzio-kostuak eta denbora modu kontrolatuan murrizteko prozesu sendoak definitzen ditugu, urte anitzeko kontratuen markoan produktuaren kalitatea bermatuz.

Industrializazioa co-design edo design to cost kontzeptuez hitz egiteko une egokia da. Lehiakortasun ekonomikoa hobetzeko, ezinbestekoa da bezeroarekin harreman estua garatzea, prozesuan ez ezik produktuaren definizioan ere parte hartzeko eta, horrela, hobekuntza gehiago egiteko gai izateko.

Gure kultura aeronautikoari eta bezeroen errealitatearen inguruan dugun ezagutzari esker, zailtasun handiko proiektuetarako aliatu onenak gara.

Produkzio-denbora murrizteko eta produktuen maneiurako baldintzak hobetzeko helburuarekin, integrazio bertikalaren prozesuan aurrerapausoak ematen jarraitzen dugu (NADCAP egiaztagiriekin). Horrela, arrisku teknologikoa eta logistikoa gutxitu egiten da, eta gure expertise orokorra indartu.

Beti lagundu diegu bezeroei haien proiektuekin, eta erantzukizun gehiago hartzen eta balio erantsia irabazten joan gara, funtzioak edo sistemak mihiztatu eta testatu arte.

Bezeroen zehaztapenei jarraituz, muntaketa-prozesuak garatu, saiakuntza-bankuak egin, moduluak prestatu edo sentsoreak ezarri edo mantentze-lanak egin ditzakegu, balio-katea sinplifikatuz eta bezeroari eskainitako zerbitzua hobetuz.